Andi Reidt__________________

Eine Episode aus dem Clubleben...

Äs Chindärschgirennä

Am Morgäd äm sibni und no halbä duchäl, händ miär müässä bim Telefon 1600 ä Mäldig dürä gän. Wil dr Wättärbricht uf dän Samstig au schlächt gmoldä het, hämär bschlossä das Rennä um ä Wuchä z‘ värschiäbä. Äs ischt gar nid lang gangä und übär Gotschnä hed mä dr blau Himmäl gsen,und den hed au schon z‘ Telefon gschällät. Ä Meitiä hed grägät und gfregät: obi au ämal vürus gluägät hei. Schi hed där Entscheid nid värstan chönä, und i au nid. Abär miär heind nümä andärscht chönä,sus hätämär alnä alütä müäsä. Zum grossän Glück hed duä z‘ Wättär au wiräm söfäl gschwind zuä gätan , und äm Mittag ischt schwileid gsin. Ä Wuchä spetär ischt ä straländä Tag gsin und ali zfridä, fascht ali. Diä Meitiä hed nid fahrä chönä,schi hed äs andärs Rennä kann…..